http://www.wu-chinese.com/bbs/viewthread.p...;extra=page%3D1耶稣传
上帝爱世界浪个人，甚至于拿其个独养儿子赐畀其拉，叫一切相信其个，弗至于灭亡，反得永生；因为上帝差其个儿子降世，弗是要定世界浪人个罪，而是要叫世界浪个人因其而得救。
耶稣基督到现在已经有十亿信徒，四部福音记载了基督教寒微个开始，尽快其他福音叙述了某些其他事件，或者是相同个事件也有弗同个叙述，本片所叙述个故事完全循自《路加福音》
——亲爱个提亚非罗，我提笔写书，依次向侬叙述我倪当中所发生个事体，使侬晓得每桩事体个绝对真实过程。
当该撒·耶古士督是罗马个皇帝，希律是犹太王个辰光，
上帝派遣天使加百列到拿撒勒城个一位童贞女伊面去。伊个童女个名字叫玛利亚。
——弗要怕，玛利亚。侬勒垃上帝面前已经蒙恩了。侬要怀孕生儿子，搭其起名字叫耶稣。
——我还是童女，哪恁可以有搿恁个事体呢？
——圣灵要降临到侬身浪，因此圣婴将称为至高无上个上帝之子。其个国度呒没穷尽。
玛利亚动身前往犹大城拜访其个堂阿姐伊丽莎白，伊丽莎白也奇迹一样个怀孕在身。
——伊丽莎白！
——玛利亚！玛利亚妹妹！侬是所有女子中顶有福个，侬所怀个胎儿也是有福个。我一听到侬个问安，我腹中个胎儿就欢喜跳跃。
——我心以尊主为大，我灵以上帝作我个救主为乐。从今以后，万代要称我有福。
——拿撒勒个百姓听好！现在奉该撒·耶古士督个旨意，臣属地区，加利利搭犹太个人民，将要报名造册。大家必须勒垃自家个祖籍城镇进行登记。
玛利亚搭其个未婚夫约瑟一道到犹太个伯利恒去登记。
伯利恒个客店里向呒没地方，其拉能够寻到个唯一个住个地方是一个破旧个马棚。
勒垃迭个一带个荒野里，有一些牧羊人夜里向看守勒羊群。
上帝个使者勒垃其拉面前显现。上帝个荣光从四面照耀着其拉。
——今朝勒大卫个城里，乃个救主诞生了。其就是主基督。
牧羊人连忙去寻找，看见了勒垃马槽当中个新生婴儿。
其拉是首先传播关于童身母亲搭救主诞生个好消息个。
迭个好消息也被称为福音。
一周以后，搭小囡施行割礼个辰光，为其起名字叫耶稣。
约瑟搭玛利亚带勒小囡去耶路撒冷。要拿其献畀勒主。
勒垃伊面个圣殿当中有一位善良虔诚个人，
圣灵允许其勒垃其呒没见到基督之前弗会死，其个名字叫西面。
——主啊，现在可以照侬个话，让侬个仆人释然而去了。因为我个眼睛已经看见了侬个救恩。迭个小囡就是上帝个选择。愿乃两家头侪蒙福。
约瑟搭玛利亚按照摩西个律法办完了一切手续，就离开了耶路撒冷，回到了拿撒勒。
勒垃耶稣十二岁个辰光，约瑟搭玛利亚带其去耶路撒冷参加逾越节。
但是当其拉启程会屋里个辰光，以为耶稣勒同行个人当中，却弗晓得其留了下来。
其拉回到耶路撒冷去寻找其。
第三日，其拉勒垃圣殿当中寻着了其。其坐勒老师搭长者当中。
——迭个是啥人个小囡？就问搿种问题？
——其是从拿撒勒来个，我倪以为其同我倪一道离开了耶路撒冷。请原谅其个奋发之心。
所有听见其提问个侪惊奇弗已。
——我儿，侬为啥搿恁对待我倪呢？侬个父亲搭我寻找侬非常焦急。
——乃为啥要寻我呢？乃弗晓得我必须从事我父个事业么？
其同其拉一道回到了拿撒勒。
其个智慧搭身材以及上帝搭仔人对其个喜爱侪一齐增长。
提庇留皇帝在位第十五年，
本丢比拉多做犹太巡抚，希律作加利利分封个王，亚那和该亚法作大祭司个辰光，
约翰勒垃旷野里，上帝个话降临到其。
他就来到约旦河一带地方，宣讲悔改个洗礼，使罪过得到赦免。
——赦去乃个罪过，接受洗礼！上帝将因此赦免乃个罪过。正像先知以赛亚个书浪所记载个话讲：有如勒垃旷野里喊勒讲，预备好主个道路，修直其要行走个路；一切山谷侪要填满，大小山冈侪要削平；弯曲个道路要修直，高低弗平个道路要修为平地；全人类侪将寻求上帝个拯救。
——我倪应该哪恁才好呢？
——告诉我倪应该做眼啥个事体呢？
——侬要我倪做啥呢？
——有两件衣裳个，要分一件畀勒一无所有个；有食物个，要搭别人一道分享。
——老师啊，我倪侪是税吏，我倪应该做点啥呢？
——除脱法定个数目，弗要多收取。
——我倪应当哪恁做呢？
——弗要强行个抢夺别人个钱财。不要枉指别人有罪。要满足于自家个钱粮。
——告诉我倪，侬是基督伐？
——我是用水搭乃施洗，但是有一位比我更伟大个要来，我就是搭其解鞋带也弗配。其要用圣灵搭仔火搭乃施洗。其带着扬场个铲子，要扬净麦子，收进仓库。
圣灵降临勒垃耶稣个身浪，形状仿佛像鸽子。
有声音从天浪来，讲，侬是我个爱子，我喜悦侬。
开始传道个辰光，年纪大约三十岁。其从约旦河回来个辰光，被圣灵充满。
圣灵拿其引到沙漠，经历了四十天魔鬼个引诱。
勒垃迭个四十天当中，其啥个物事也没吃。
魔鬼对其讲：侬假使是上帝个儿子，就叫迭块石头变成功食物伐！
——经浪讲，人活勒海弗是单靠食物而是靠上帝所讲个一切话。
魔鬼又拿其领上了高山，一眨眼睛工夫，拿天下万国侪指畀其看。
——迭个一切权柄荣华，我侪要交畀侬，因为迭个原来是交畀我个，我愿意畀啥人就畀啥人。侬假使勒垃我面前下拜，尊我为主，迭个就要归侬。
——经浪讲，侬要只拜主，侬个上帝，只能够侍奉其。
魔鬼又拿其领到耶路撒冷，叫其立勒圣殿个顶浪。
——侬假使是上帝个儿子，就从搿里跳下去，因为经浪讲，主会吩咐其个使者保护侬；经浪还讲，其拉要用手托着侬，免得侬个脚碰勒石头浪而受伤。
——经浪讲，弗可以试探主，侬个上帝。
——侬好。
——侬好！
勒垃安息日，其照平常个规矩进了会堂。有人叫其读《先知·以赛亚》书当中个一个段落。
——主个灵降临到我，因为其选定我传福音畀勒贫穷个人，主差遣我宣告，被俘虏个得到释放，瞎眼个得到光明，受遏制个得到自由，并且宣告主拯救其个人民个时刻已经来临。
（听众）其讲得真好，哎，有道理。
——乃听到个搿段经文，今朝已经得到应验了。
——经文真个应验啦？
——但是只有只有弥赛亚才能实现其个诺言。
——我倪哪恁晓得呢？
——乃一定会引证搿句俗话向我讲，医生，侬医治自家伐，乃还会向我讲，我倪听说侬勒垃加百侬所做个事体，也应当勒垃侬自家家乡里做，我老实对乃讲伐，先主勒垃自家家乡，从来弗受欢迎。
其拉本来想拿其推下山崖，但是其却穿过人群，从容个走出去。其来到加利利个一座城市，叫加百农。
全国遭到罗马人占领个痕迹到处可以看到，人民渴望弥赛亚个降临，拿其拉从水火之中拯救出来。
——愿侬平安。
——也属于侬，老师。
——西门，侬个船我能够乘伐？
——为啥弗能呢？
——对我倪讲话，对我倪讲话！耶稣，对我倪讲话，耶稣，对我倪讲话！
——从前有两个人上殿里去祷告，一个是法利赛人，一个是税吏，伊个法利赛人一家头立勒海祷告讲：“上帝啊，我感谢侬，我弗像别人搿恁贪婪，弗诚实，奸污别人个妻子；我感谢侬，我弗像埃面一个税吏；我一个礼拜进食两次，在我所得到个侪捐畀侬十份之一，埃个税吏立勒远远个，却弗敢仰面朝天，只是敲勒胸膛讲，“上帝啊，可怜我迭个有罪个人吧。”我告诉乃，勒垃上帝面前，做对了个是税吏，而弗是法利赛人；因为凡是自高个必降为卑，凡是自卑个必升为高。拿船划到水深个地方，然后侬搭侬个同伴们撒网捉鱼吧。
——噢，老师，我倪整夜辛勤劳动，一无所获。
——但是，依照侬个吩咐，我现在就撒网。
——雅各，约翰！
雅各，约翰！拿乃个船侪划过来，帮帮我，快！
——我倪个船侪装满啦。
——装满啦
——够了。
——主啊，离开我，我是个有罪个人。
——覅吓，从今以后，侬要得人啦。
——侬靠近我来，侧转耳朵听，就必得活。应该趁上帝可以寻找个辰光寻找其，相近个辰光求告其；恶人应当离弃自家个道路，弗义个人应该除脱自家个意念，归向上帝，上帝就必怜恤其，因为上帝必广行赦免，乃必欢欢喜喜而出来，平平安安蒙引导。
——其到了，看啊……
——耶稣，耶稣，我祈求侬拯救我个独养囡儿吧；老师，可怜可怜其伐，其只有十二岁，却快要死了，求求侬，请跟我来。
——耶路，非常遗憾，侬个囡儿已经死了，不要麻烦老师啦
——覅怕，只要相信上帝，侬个囡儿必得救。
不要哭，其呒没死，只是困着了。
孩子，起来吧。
畀其吃眼物事。我关照乃，覅拿搿搭发生个事体告诉别人家。
搿桩事体以后，耶稣看见一个税吏，马太，坐勒垃税关浪向收税。
——侬跟我来。
耶稣到山浪去祷告，整夜个祷告上帝。天亮以后，其向其拉当中个十二个人致意，并且称其拉为使徒。迭个十二个人有西门，耶稣又搭其起名字叫彼得；还有其个兄弟安德烈，雅各，约翰，腓力，巴德罗买，马太，多马，亚勒非个儿子雅各，搭仔奋锐党徒西门，雅各个兄弟犹大，搭仔以后成为叛徒个加略人犹大。
——乃贫穷个人有福了，因为上帝个国是乃个；乃饥饿个人有福唻，因为乃将要饱足；乃哀哭个人有福了，因为乃将要喜笑；当人以乃为人子而仇恨乃，抵制乃，侮辱乃，并且讲乃是邪恶个辰光，乃就有福了。当搿种事体发生个辰光就欢喜跳跃伐，因为乃勒垃天浪个赏赐是大个；因为其拉个祖先也搿恁介对待过先知们。
——十六，十七，十八，十九……我只有搿点啦。
——侬特个是啥意思？就只有搿眼眼啦？！
——乃现在富足个人有灾祸啦，因为乃曾经过着优裕个生活。
（笑声）
——其弗想发财致富，简直是疯子！
——乃嬉笑个人有灾祸了，因为乃将要哀痛哭泣。人家侪讲乃好个辰光，乃就要遭殃，因为其拉个祖先也同样对假先知讲了搿眼闲话。
我告诉乃，听我布道个人，乃要爱乃个仇敌，乃要善待恨乃个人，要为咒诅乃个人祝福，要为凌辱乃个人祷告。有人打侬搿面个面孔，就连伊面个面孔也畀其打伐；有人夺走侬个外衣，连内衣也让其拿走伐；凡是求侬个，就畀其。有人夺走侬个物事，覅去要回来，乃希望别人哪恁对待乃，乃也应该哪恁对待别人，乃假使单单爱惜爱乃个人，有啥个可以酬谢个呢？就是有罪个人也爱一切爱其个人；乃假使善待一切善待乃个人，有啥个可以酬谢个呢？就是有罪个人也是搿恁做个。
——其哪恁可以摸其呢？
——其哪恁可以搭其讲闲话呐？
——真讨厌！
——弗对，乃要爱仇敌也要善待其拉，并且要做到借畀别人物事而弗期待偿还，搿恁介乃就要得到重赏，成为至高上帝个儿女，因为其恩待一切忘恩搭仔作恶个人，乃要仁慈，像乃天父埃恁仁慈。
——耶稣，拯救我倪吧。
——乃覅评断人，上帝就弗会审断乃；乃覅定别人个罪，上帝就弗会定乃个罪；乃要饶恕人，上帝也会得饶恕乃。
——主啊，带领我倪X侬个路
——施与别人，上帝就会得施与乃，因为乃畀人家多少，就会得得到多少；瞎子呒没办法搭瞎子带路，否则两个人侪要跌进坑里；侬为啥只看到侬兄弟眼睛里个木屑，却弗注意自家眼睛中个大梁呢？
——老师，引导我倪伐。
——主啊，现在我倪需要侬。
——生侬搭仔养育侬个母亲几化幸福啊！
——对个，却还弗如聆听而遵守上帝闲话个人有福啊。
——我想认得迭个人。
——依侬看，其会是弥赛亚，我倪个救世主伐？
迭个法利赛人请耶稣搭其一淘吃夜饭，耶稣就到其个屋里向去进餐。
——好啦，小家伙，乃侪出去。乃听见伐？出去！其拉交关顽皮。
——唔？其来做啥？
——我弗晓得呀。
——其来做啥？
——迭个人假使讲真是一位先知，其应该晓得摸其个男人是啥人；也晓得其过个是有罪个生活。
——西门，我晓得特个女人是啥人。让我告诉侬一桩事体：有两个人欠一个债主个债，一个欠五百银币，另外一个欠五十银币；其拉两家头侪呒没力量偿还，债主就免了其拉个债。特个两个人嚡里一个更爱其呐？
——我想是伊个欠债多个，得到赦免个人。
——侬讲得弗错。侬看见特个女人伐？我到侬屋里来，侬呒没畀我水汏脚；但是其用眼泪为我汏了脚，并且，用其个头发来揩干；侬呒没亲吻我，表示欢迎；但是自从我进来，特个女人就弗断个亲吻我个脚；侬呒没畀我橄榄油拓头，但是其用香膏拓我个脚；所以我告诉侬，其所表达个巨大个爱，说明其个许多罪过侪畀赦免了。得到赦免少个，所表示个爱也少。
侬个罪过已蒙赦免了。侬个信息救了侬，平安个回去伐。
——（抽泣地）我……我……
耶稣到处周游，宣讲上帝国个福音，搭其一淘去个有十二个门徒，还有几个，曾经畀勒恶鬼附体而已经畀勒耶稣医治好个妇女，其中有称为抹大拉个玛利亚，希律个管家，苦撒个妻子约亚拿，以及苏撒拿。但是希律，就是罗马指派到加利利个统治者，拿施洗个约翰投入了监牢，因为约翰谴责希律娶其自家个弟新妇为妻子。
——当我倪来到拿因城门个辰光，一个出丧个行列从城里出来，死者是一位寡妇个独养儿子；耶稣看到迭位寡妇个辰光，心里充满了怜悯，其手抚棺木讲：“少年人，我吩咐侬起来。”埃个死人就坐起来了。耶稣就拿其交畀了其个母亲。
——去问问，其是不是约翰讲个将要来个人，还是我倪还要等别个啥个人。
——老师！老师！
——施洗个约翰关照我倪来打听，迭个将要来个人是侬伐？还是我倪要等侯别个人呐？
——侬去拿所见所闻个事体告诉约翰，瞎子重见天日，瘸脚可以行走，埃些弗怀疑我个人几化高兴啊！
——拿我抱起来，坐勒侬个肩胛浪，让我好看到耶稣。
——坐勒肩胛浪，看见了伐？
——看到了。
——有一个撒种子个人出去撒种，撒种个辰光，有些种子落勒垃路边，畀勒人践踏，而且畀勒飞鸟吃脱了；有个落勒垃岩石覆盖个土地浪向，一出来就枯干了，因为得弗到水分个滋润；有个落勒垃荆棘丛中，荆棘同种子一淘成长，禾苗畀勒荆棘闷煞了；有一些种子，落勒垃肥沃个土壤里向，生长起来，结实百倍。
——老师，侬勒一群人当中，为啥总是打比喻呐？
——上帝国个奥秘已经让乃晓得了，至于别人，就用比喻来表达，叫其拉视而不见，听而不明。比喻个意思是搿恁个：种子就是上帝个道，一些落勒垃路边个种子，好比人听了上帝个道，随后魔鬼来，拿道从其拉心里夺走喇，使其拉弗信道，从而弗能得救；埃些落勒垃岩石浪个种子，代表听到上帝个道以后感到高兴个人，但是其拉心中呒没根，因此，不过暂时相信而已，到了碰着考验，就退却了；埃些落勒垃荆棘丛中个种子，代表听到上帝道个人，但是畀今生今生个思虑、钱财、搭仔享乐所困扰，结弗出成熟个果实来；埃些落勒垃肥沃土壤里个种子，代表听了上帝道个人，持守勒垃诚实善良个心里，一直到结出果实；呒没人点上灯以后用碗盖起来，或者是放勒垃床底下，总归是拿灯摆勒垃灯台浪，使进来个人能够看到光亮。任何掩盖勒海个事体，总会被张扬出来；任何隐瞒勒海个事体，也会被揭露出来，为大家所晓得，所以乃留心听，因为凡是有个还要畀其更加多；凡是呒没个，连其自家以为有个，也要夺走。
——老师，侬母亲搭侬个弟兄立勒外面，要见侬。
——听了上帝之道而遵行个人就是我母亲，我个弟兄。
一日天，耶稣搭仔门徒们登上了一条船，耶稣对其个门徒们讲，我倪渡到河个伊面去。船勒垃行进当中，耶稣困着了。
——救命啊！救命啊！船要翻了啊！
——老师，老师！我倪快要呒没命啦！船快要灌满水啦！我倪侪快要被淹煞啦！老师，快点救救我倪。我倪快要得救啦……
——乃个信心勒啥地方呢？
——其拉从加利利搬到了河对面个加大拉。
——至高无上个上帝之子耶稣，我搭侬呒没关系，求求侬，覅折磨我。
——侬叫啥个名字？
——我叫群，主啊，我倪求侬弗要乃我倪打入到无底个深渊之中，让我倪进入到猪猡个身体里去伐。
——哎，回来，覅跑，停下来……
——埃些鬼就离开了迭个人，进到猪群里去了。
——离开此地，侬迭个魔术师，离开我倪，快！离开搿搭，离开迭个地方！
——弗管侬到啥地方，我永远跟随侬。
——回屋里去吧，告诉别人上帝为侬做了啥事体。
耶稣带了门徒们，悄悄离开伊面，到伯赛大去；但是大家晓得了，就跟随其而去。
——老师，叫搿些人散开伐，其拉也好到附近村庄搭仔农庄去借宿搭仔寻饭吃；我倪搿里是荒郊野外。
——乃畀其拉吃一眼物事伐。
——我倪只有五只饼搭仔两条鱼。
——主啊，我倪个上帝，宇宙之王，我倪称颂侬，侬使土地产生了食物，
大家讲我是啥人？
——有星人讲侬是施洗个约翰，有星人讲侬是以利亚，还有人讲，侬是古辰光个一位先知，又复活了。
——乃呢？乃讲我是啥人？
——侬是上帝个弥赛亚。
——千万弗可以拿搿桩事体告诉别人。人子要受交关苦，并且被抛弃，其将被处死，但是三天后，必将复活。
——乃有啥人要跟从我？
——我跟从侬，老师，但是允许我先去告别屋里向个人。
——任何人一面离地，一面朝下看，对上帝个国度侪是呒没用个。任何人要跟从我，就应当舍己。天天背负其个十字架，跟从我，因为凡要救自家生命个，必丧失脱生命，侪为我丧失脱生命个，其生命必得救。人假使赢得全世界，却丧失脱自家个灵魂，有啥个益处呢？假使有人以我搭仔我个道为耻辱，人子勒垃其个荣耀中搭仔勒垃天父搭圣天使个荣耀中降临个辰光，也要以特个人为耻。
我向乃保证，搿里有人勒垃死之前会看见上帝个主权实现。
后来，耶稣带了约翰，雅各，搭仔彼得上山去祷告。正勒垃祷告个辰光，其个面貌改变了，衣裳也变得洁白放光。突然有两个人搭其讲话，其拉是勒垃天堂个荣光里显现个摩西搭仔以利亚。
——侬将完成上帝个使命。侬将死勒垃耶路撒冷。
勒垃门徒要离开个辰光，彼得对耶稣讲：
——老师，我倪要是能够勒垃搿搭，几化好，我倪搭三个帐篷，一个畀侬……
正勒垃彼得讲话个辰光，一朵云彩飞过来，遮盖了其拉。门徒们非常吓，云彩里有个声音讲：
——迭个是我个儿子，是我所挑选了，乃要听从我。
——老师，老师，求侬看看我个儿子伐，请侬救救其呀！其是我个独养儿子，我求过侬个门徒，拿鬼赶走，其拉做弗到。
——迭个既无信仰，又荒谬个世代呀。我勒垃乃搿里忍耐乃，要到几时呐？
带其到搿搭来伐。
——其面孔浪个伤也畀其医好了。真神奇啊！
——求主教导我倪祷告，像约翰教导其个门徒一样。
——乃祷告个辰光要讲，我倪在天个父，愿人们侪尊侬个名为神，愿侬个国降临，愿侬个意志行于地浪，就像行勒天浪；天天赐畀我倪日用个饮食，赦免我倪个罪，因为我倪也赦免亏欠我倪个人，不要叫我倪碰着引诱，解救我倪脱离凶恶。祈求，乃就可以获得；寻找，乃就可以寻到；敲门，门就会得朝乃打开，因为，凡是祈求个，侪会有所收获；凡是寻觅个，侪会得寻到；凡是敲门个，门就会打开。
呵，乃当中做父亲个，有啥人会得勒垃儿子要鱼个辰光畀其毒蛇，要鸡蛋个辰光畀其蝎子呐？乃虽然弗好，尚且晓得，拿好个物事畀儿女。何况天父，难道弗会更加拿圣灵赐畀埃些求其个人么？
所以我告诉乃，勒垃生活当中，覅考虑吃啥，也覅考虑身浪要穿啥，因为生命胜于饮食，身体胜于衣裳；乃想想乌鸦，其拉既弗种，也弗收，既呒没仓，也呒没库，上帝尚且养活其拉，乃比飞鸟，弗晓得要珍贵多少倍。乃当中又有啥人凭着忧虑能多活几天呢？如果乃连搿恁小个事体也做弗到，为啥还要为其他个事体操心呢？想想百合花是哪恁生长个，其拉既弗劳动，也弗缝衣；然而就是所罗门王极尽荣华个辰光，其个穿戴也弗如一朵搿恁样子个花呢。乃搿些缺乏信心个人，野草今朝还长勒海，明朝就要厾到火里向，上帝还畀其拉搿恁介个装饰，更何况乃呐？
——求主增加我倪个信心。
——乃个信心假使有一粒芥菜籽搿恁样大，就是对搿棵桑树讲，连根拔起，再拿自家种到海里去，其也会尊从侬个。
引诱必然出现，但是引诱别人个人，有得灾祸，倒弗如，拿磨石缚勒特个人个头颈里，拿其厾到海里，搿恁样子，也比让其使任何一个微不足道个人犯罪还好。上帝个国度是哪恁样子个呐？其是搿恁个，一个人拿了一粒芥子，种勒垃其个田地里，其长大成树，连天浪向个飞鸟也勒垃其个枝叶当中做窠。
——我听弗大懂其勒垃讲点啥。
——乃为啥同税吏搭仔其他有罪个人一淘吃喝呢？
——呒没毛病个人用弗着医生，有病个人才用得着，我来此地并弗是召唤品行端正个人忏悔，而是召唤有罪个人来忏悔。
——再搭我倪讲讲上帝个国伐，还有啥别个伐？
——乃特个小囡覅吓，因为乃个天父愿意拿国赐畀乃，拿乃所有一切侪变卖脱，拿钱财周济穷人，为自家准备用弗光坏个钱袋，在天堂贮存乃个财富，因为勒垃伊面财富是用弗尽个，贼偷弗脱，虫蛀弗脱，因为乃个财富勒垃嚡里，乃个心也就勒垃嚡里。
妇人，侬个病治好了。
——看啊，看啊，其畀其医治好了，真是神迹，其畀其医治好了，大家快来看啊！
——我当…………归于上帝。十八年了，上帝祝福侬，老师。
——我倪应当工作六天，勒迭个六天里向可以来医治毛病；勒安息日却弗可以。
——假冒伪善个人呀，难道乃勒垃安息日弗解开槽浪个牛搭仔驴牵出去饮水吗？况且迭个女人是亚伯拉罕后裔，被撒旦捆绑了迭个十八年，难道弗应该勒垃安息日解开其个绑么？
——良善个老师啊，我需要做眼啥个事体才可以得到永生呢？
——侬为啥称我为良善呢？除脱上帝之外再呒没良善了。诫命侬是晓得个，不可奸淫，不可杀人，不可以诬X人，应当孝敬父母。
——我从小就侪做到了。
——还有一桩事体侬需要去做，侬要变卖脱侬所有个一切，拿铜钿分畀穷人；搿恁样子侬就有财富勒垃天浪，随后侬要跟从我。
——但是我倪是富有个商人啊。
——有钱财个人进入上帝个国是几化难啊！富人进入上帝个国要比骆驼穿过针眼还要难啊！
——特恁样子，啥人还能够得救呢？
——人弗能够做个事体，上帝却能够做到。
——准确个讲，上帝个国勒垃嚡里呢？
——上帝个国来到，弗是眼睛所能看见个，呒没人会得讲，看，勒垃伊面，或者勒垃搿里；因为上帝个国勒垃乃心里；有朝一日，乃会希望看到人子个一个日脚，但却看弗到；人子降临个日脚就像闪电凌空而过，照亮了整个苍穹。但是其必须先受交关苦，又被当今个人们所抛弃。
天地消失，较比废除律法个一点一滴要容易。我告诉乃，有交关先知搭仔君王，希望看见乃所看见个却呒没看见；希望听到乃所听到个，却呒没听到。
——我倪应当做点啥呢？
——律法哪恁讲呐，侬哪恁解释呐？
——侬要尽心，尽性，尽力，尽意；爱主，侬个上帝，并要爱邻居，就像爱自家。
——侬讲了对，侬特恁样做就必得永生。
——啥人是我个邻居呢？
——弗是搿些兵士。
——该撒王呢？
——有一个人从耶路撒冷到耶利哥去，遭到了强盗个袭击，其拉剥脱了其个衣裳，拿其打得半死，就厾下其走了。正好有一位祭司路过，其看见迭个被抢劫个人，就从另一边绕了过去；又有一位利未人来到搿里，看到埃个被抢劫个人，也从另一边绕了过去；只有一位撒玛利亚人走路来到搿里，其看见被抢劫个人，心里充满了怜悯，其走上去，拿油搭仔酒倒勒其个伤口浪，包扎好了，扶其骑上自家个牲口，带到旅店里去照顾其；第二日，其拿出两个银币交畀勒店主，关照其照顾被抢劫个人，其对店主讲：“此外乃所需要个费用，我回来以后必将奉还。”呵，特个三个人当中，嚡里一个人个行为像被抢劫个人个邻居呢？
——解救其个人。
——呵，侬去照特个样子做伐。噢，让小囡到我搿搭来，覅禁止其拉，因为上帝国中个子民正是像其拉搿恁样个人。我实在告诉乃，凡是弗能像小囡搿恁承受上帝主权个人，侪断然弗能成为其个子民，但是以我个名义，欢迎搿个小囡个，就是欢迎我；凡是欢迎我个，就是欢迎派我来个伊个一位。因为乃之中最卑微个是最伟大个。
——出啥事体了？哪恁回事体啊？
——拿撒勒人耶稣正经过搿搭。
——耶稣！耶稣！大卫个子孙！可怜可怜我伐！可怜可怜我伐！
——侬要我为侬做点啥呢？
——我要能够看见。
——搿就看见伐。侬个信仰救了侬。
——我看得见了。我看得见了。我看得见了……
耶稣去耶路撒冷，一路浪向成群结队个人到处会见其，人们请求其指出得救个路，并且教导其拉更加多关于上帝个国个情况。
——迭个人的确是一位先知。
——我个主啊，老师，救救我吧。
——救救我倪吧，救救我倪吧。
——主啊，指畀我倪一条正确个路吧。
人民开始接受其为主搭仔老师，勒垃耶利哥有一个税吏，名字叫撒该，其想要看耶稣个欲望是搿样子个强烈，以至于爬到一棵树浪向去登高看望。
——撒该，快下来。今朝我要住勒侬屋里。
——我个屋里？
——啥人愿意住勒其个屋里啊？
——撒该哪恁会得认得耶稣？
——听我讲，我拿我个财产个一半分畀了穷人，我假使讹诈？了啥人，就还其四倍。
——我弗相信，其一个税吏交还其收到个税金，弗可能！
今朝，救恩来到了迭个屋里，因为其也是亚伯拉罕个子孙，人子到搿里来，是为了寻找搭仔拯救沦丧个人。
——听我讲，我倪到耶路撒冷去，勒垃伊面，先知所写个一切关于人子个事体，侪将实现。其将被交畀外邦人，其拉将戏弄其，凌辱其，吐馋吐水勒垃其面孔浪，其将遭到鞭挞搭仔杀害，但是第三天，其要复活。
耶稣明晓得其将为人类个罪而被杀害，其还是启程去耶路撒冷。交关人欢庆其个来临，并且宣告其是其拉个王。
——老师，命令侬个门徒安静。
——我告诉侬，假使其拉弗欢呼，特眼石头就会得呼喊起来。
（平安，荣耀！）
耶稣快要到耶路撒冷个辰光，看见了搿座城市，其为搿座城市而哭泣。
——今朝，侬假使能够晓得通向和平个道路，该有几化好啊。呒没办法，乃看弗到，勒垃未来个日脚里，侬个敌人将筑起墙垒，拿侬四面团团围牢，要彻底消灭侬搭仔侬城墙里个子民，侬搭仔侬个儿女也弗能幸免；连一块石头也弗能留勒垃另一块石头浪，因为侬呒没认出上帝拯救个时机。
耶路撒冷个圣殿变成为一个商业中心，而弗是一个礼拜个场所
——五，六，七，八，九，十……
——经浪讲，我个殿是祷告个殿，乃拿其变成了贼窠？！
——其朝我牲口奔过去啦，勒牢其，勒牢其啊！
——叫卫兵来，叫卫兵来！
因为人们侪宣称耶稣为王，所以搿些政治家搭仔宗教个领袖反对耶稣个情绪日益增长。
——我听讲，交关人侪称其为王？
——一个王？叫花子，娼妓，搭仔盗贼个王；我倪看见过迭种人，其拉来了，提出其拉个主张，又走了，畀人家忘记了。
——覅视而不见，其个信徒与日俱增。老百姓赞赏其，要认为其是王。
——我现在警告乃，假使迭个人进一步威胁治安，我就要乃负责。
——其可能讲了对。我倪也应该去质问一下迭个加利利人。
搿群文士搭仔法利赛人越是受到耶稣个谴责，就越反对其；但是，跟随耶稣个犹太人也勒垃弗断个增加。
——捐献得忒少了。
——侬难道弗能多捐一点吗？
——我告诉乃，特位贫穷个寡妇所捐献个比大家侪多，因为其他人侪富足有余，拿出一部分来捐献，但是搿位搿恁样子贫穷个寡妇，拿其一切赖以维生个铜钿侪捐献了。
——侬告诉我倪，侬有啥个权力讲搿种闲话？啥人畀勒侬搿种权力？
——我也要问乃一个问题，约翰施洗礼个权力来自上帝还是来自人间？
——我倪哪恁对答呢？
——我倪假使讲来自上帝，其就会得讲，侬为啥弗相信约翰呐？
——噢，假使我倪讲来自人间，此地个人会用石头打我倪，因为其拉侪相信约翰是先知。
——我倪弗晓得是从嚡里来个。
——我也弗告诉乃，我凭着啥个权利做迭些事体？
有一个人开垦了一座葡萄园，并且拿其租畀勒佃户，就离开屋里勒垃别个地方住了长远，到收获葡萄个辰光，其叫其个仆人去寻找佃户，要其应该得到个一部分收成；但是佃户拿迭个仆人打了一顿，叫其空手而归。于是又叫另外一个仆人去，佃户又拿仆人打了一顿，并且凌辱了其，又叫其空手而归；其又叫第三个仆人去，佃户拿其打伤了，并拿其赶了走。葡萄园主问自家：我应该哪恁办呐？我叫我心爱个儿子去，其拉一定会得尊重其，啥人晓得佃户看到其就商量讲：特个是园主个儿子，我倪拿其杀脱了，其个产业就是我倪个了。
——请讲下去。
——于是佃户们拿其推出葡萄园外，杀脱了。
葡萄园主将会哪恁样子处治其拉呐？
其一定会拿搿些佃户杀脱，拿葡萄园交畀另外个佃户。
搿段经文个意义是啥个呢？
泥水匠所厾脱个迭块石头，却变成了最重要个基石。但是掼勒伊块石头浪个，将被掼成碎块。伊块石头落勒啥人身浪，也要拿啥人敲烂。
——老师，我倪晓得侬所讲所传个侪是正确个，并且弗以地位取人，并且传授了上帝之道个真像。
——告诉我，我倪纳税畀罗马皇帝是弗是违反了我倪个法律？
——主，请当心，其要捉弄侬！
——拿一枚银币畀我看。
银币浪个头像搭仔名号是啥人？
——凯撒！
——葛末就拿凯撒个物事还畀凯撒。拿上帝个物事，还畀上帝。
——侬还有啥闲话讲？
无酵节也叫逾越节快到了。耶稣派西门，彼得，搭仔约翰去准备逾越节个晚餐。
——我非常想勒垃受害之前搭乃一淘吃逾越节个晚餐。但是我告诉乃，我弗再吃迭个晚餐直到成就勒垃上帝个国里。
主啊，我倪个上帝，宇宙之王。侬使葡萄藤浪结出果实。向侬祝福。侬拿迭个拿去，大家分来吃。我告诉乃，从今以后，我弗再吃迭个葡萄汁，直到上帝个国来临。
主啊，我倪个上帝，宇宙之王。侬使土壤生出饼来；特个是我个身体为乃舍个。乃也应当搿恁样子去做，为个是纪念我。搿杯酒，是用我个血立下的新约，我个血是为乃而流个，但是看啊，一个出卖我个人搭我勒拉一张台子浪。人子固然要按照上帝所预定个去死，但是出卖人子个人有灾祸了。
——弗可能个，弗可能吧。弗可能。
——主啊，讲出叛徒个名字。
——乃当中一个最大个，反而应当像年纪最小个；做领袖个，应当像仆人；啥人最大呢，是坐下来吃饭个人还是服侍人个人呐？当然是坐下来吃饭个人。但是，我勒垃乃当中，是服侍人个；乃搭我一淘，度过了我所有个磨难；正像我父赐畀我统治个权力，我赐畀乃以同样个权力；乃要勒垃我个国度里搭我同席吃喝。并且，坐勒垃宝座浪，统治以色列十二个支派。
——葛末，就呒没叛徒啦？
——西门，西门，侬听勒海，撒旦想要考验乃每一个人，拿好人搭仔好人分开，就像农夫拿麦搭仔糠分开一样；我曾经为侬祈求，叫侬弗至于失去信心；侬回归我以后，要激励侬个兄弟们。
——主啊，我愿意搭侬一淘去坐牢，搭侬一淘死也甘心。
——我告诉侬，今朝勒垃鸡叫之前，侬会得三次否认侬认得我。
我差拿去出去个辰光，呒没钱包，口袋，鞋子；乃缺脱眼啥个伐？
——弗缺，啥个也弗缺。
——但是现在有钱包或者旅行袋个人要带勒海，呒没刀个人要卖脱披风买刀，我告诉乃，经浪写勒海，其被列勒罪犯之中，经浪写勒关于我个事体，正勒垃实现。
——主，侬看，搿搭有两把刀。
——搿就够了。
长老会议开会，考虑哪恁铲除耶稣。撒旦进入加略人犹大个心。迭个人是耶稣十二门徒之一。
——乃要祷告，免受引诱。
以色加略人犹大为了区区三十块银币出卖了耶稣，耶稣晓得，其为人类个罪而去世个时刻很快就要来临，其祈祷了。
——天父啊，侬假使愿意，就拿特个杯子拿走伐，但是，覅成就我个意愿，而要成就侬个意愿。
一位天使个显现为其增添了力量。耶稣个汗像大个血滴一样滴勒垃地浪向。
——乃为啥困觉呢？起来。祷告伐。免得陷于迷惑。
犹大。侬是用亲吻为暗号来出卖人子吗？
——主啊，我倪可弗可以用刀砍？
——来，逮捕其！
——够了！乃拿勒刀棒来捉我，拿我当作强盗吗？我曾经天天搭乃勒垃圣殿里，乃并呒没下手，现在是乃横行个时刻，黑暗掌权了。
——带其走！
——看牢其。
兵士们拿耶稣带到一个院子里向，嘲笑其是犹太人个王。
——看啊，迭个是王穿个披风！
——告诉我倪，就要发生啥事体！陛下，侬要拯救我倪吗？侬要拯救我倪吗？哈哈哈哈哈……
——迭个人也是耶稣一伙个。
——侬迭个女人，我弗认得其啊。
——我看见过其拉勒一淘。
——哈哈哈，侬个卑贱个仆人，尊敬别人个滋味哪恁？
——侬也是其拉一伙个。
——哎，我弗是个。
——哼。
——毫无疑问，其是耶稣一伙个，其还是个加利利人。
——跑开点。
——我弗晓得乃勒讲……讲点啥。
耶稣转过身来，盯牢仔彼得看。彼得于是想起主对其讲个闲话。勒垃今朝鸡叫之前，侬会三次讲，侬，弗认得我。
——主啊，我倪祈求侬，凭借侬个伟大个权力按照侬个意愿去做吧；当我倪个父辈，反对侬个教导个辰光，侬原谅了其拉。侬，对其拉非常气恼，但是并呒没毁灭其拉。侬宽恕了其拉，因为侬爱其拉，因为侬同世界浪向个人定过誓约，我倪看到了侬对誓约个一片忠心。
——要猜猜看，是啥人打侬个。侬是先知，告诉我倪，是啥人打侬个！讲呀！
——覅动手，我讲覅动手！拿其带到公会去。
——走！
——告诉我倪，侬，阿是弥赛亚？
——我假使告诉侬，侬也弗会得相信。我假使问乃一个问题，乃也弗会得回答我。
从今以后，人子要坐勒垃万能上帝个右面。
——葛末侬是，上帝个儿子咯？
——对，我是。
——啥人畀其权力？其搿恁介讲闲话……
——罪过啊。
——我倪侪亲自听见其搿恁介讲了。
——我倪带其去见彼拉多。
——对对对，带其走，带其走！
其拉带其到全罗马最凶恶个地方官，本丢·彼拉多面前，
彼拉多曾经拿几千个人，钉煞勒垃十字架浪。
——乃一清早到搿里来有啥个请求？
——我倪捉牢迭个诱惑我倪百姓个人，其勒垃殿堂集市浪向引发了一场骚乱。
——哪恁惩罚其呢？
——判处其！
——我看呒没理由判其有罪。呒没理由！
——我倪认为其有罪！其叫大家覅纳税畀该撒，还讲自家是弥赛亚，是王！
——王？侬是犹太人个王啊？
——特个是侬讲个。
——其先勒垃加利利，现在又到搿搭来了。
——勒加利利？迭个人是加利利人啊？既然搿恁，就让希律处理其伐；希律还勒耶路撒冷伐，带其去见希律！
——侬讲侬是啥人？侬个门徒是啥人？人家侪讲，侬有神通。弄眼畀我看看。
——老爷，其勒腐蚀所有个人。其自称为王。
——咦？王？哈哈哈哈哈哈哈……
嗯，啊，陛下……哼。
狠狠个打……
拿其送回彼拉多伊面去，其住勒其管个地方。
——迭个人呒没做过应该拿其判处死刑个事体。因此我命令抽其一顿鞭子，然后放其走。
——每逢迭个节日。侬有义务释放一个囚犯畀我倪，请释放巴拉巴。
——对，释放巴拉巴，除脱迭个人！
——拿其钉煞勒十字架浪！
——对，拿其钉煞勒十字架浪！
——侬，侬，用鞭子抽其！
——彼拉多，侬还要等点啥？
——其是耶稣！
——侬为啥要搿恁介折磨其？
——放开其呀，其是弥赛亚！
——拿其拉起来。
但是，其拉高声喊叫，要求拿耶稣钉勒垃十字架浪。因此，彼拉多判处了耶稣死刑。拿伊个因为作案杀人关勒垃监狱里向个巴拉巴释放了，又拿耶稣交畀勒迭个一伙人，去钉勒垃十字架浪。
——走开，侬，让侬走开侬就滚！走开！
——起来！起来！起来！
——侬，侬叫啥名字啊？
——古里奈人西门。
——侬过来！
——割断绳子！
——侬，背牢其！
——靠后！靠后！滚开，往后靠！快走！往后靠！
——主啊，我倪为侬而哭，我倪哭泣，喝一口！
——啊，耶路撒冷个女子，覅为我而哭，乃应当为自家搭仔自家个儿女哭泣；因为搿种事体既然能够发生勒树木青青个辰光，葛末树木干枯个辰光又会得哪恁呢？
——上帝保佑侬！我倪为侬祷告。
——走！过来！快！快！跟上，快，快，快点，侬勒前面走！
——扶起来！侬拿桩子钉进去！松绳子！
——赦免其拉伐，因为其拉弗晓得其拉勒做点啥。
——其救了别人，让其也救救自家吧。
——侬假使是弥赛亚，就救救侬自家伐。从十字架浪下来呀。
耶稣被钉勒垃十字架浪了，立勒两个盗贼个当中，应验了先知勒垃几百年前头个预言。
——哈，迭个可弗是普通神秘人物个衣裳啊！哈哈哈哈！
——来来来来来，畀我，畀我！
——哎，放手，覅要扯坏脱了……
——弗管，我要个呀。
——我搭侬讲，我倪摸彩。
——好，摸彩就摸彩！
——来来来……
——哈哈哈，侬特个家伙啊，真恶骨头啊，侬赢了！打算派啥个用场？
勒垃其头个上方，钉了一块牌子，上面写勒海：“这是犹太人个王。”
——侬假使是犹太人个王，就救救自家伐。
——侬，弗是，弥赛亚么？葛末，救救侬，自家，搭仔我倪伐。
——侬就弗怕上帝吗？
——其呒没做错事体，但是，其搭侬一样，受到了同等个刑罚。
耶稣，侬成为王以后降临个辰光，求侬记得我！
——我答应侬，今朝侬要搭我一淘到乐园去了。
当时正好是中午，但是，黑暗笼罩着整个大地，一直到下半日三点钟。
圣殿里向个幔帐从当中裂为两半。
——父啊，我拿我个灵魂，交畀勒侬个手里了。
——荣耀归于上帝，搿真是个大义之人啊！
亚力马太人约瑟，是宗教会议里向个一位正直个人员，其弗同意迭个勾当，其从本丢彼拉多伊面获得许可，将耶稣个遗体，勒垃太阳落山，礼拜日开始之前，安放勒一座坟墓里向。
——宽恕我倪伐，让我倪跟了去看我倪主个遗体。
——大家侪欢迎，但是快走，安息日就要到了。 时间轴[108:10.70]共114:12
http://www.wu-chinese.com/bbs/viewthread.p...;extra=page%3D1
